Un 3vet manifestadeg a oa bet a-enep metanizer ar Chapel Nevez
Un 3vet manifestadeg a oa disadorn er Chapel-Nevez, kostez Baod, a-enep ur raktres metanizadur.
Skoazellet eo ar gevredigezh Transparence Chapelle Neuve 56, pe TCN56, a aoza ar stourm get ar c’honfederasion paysanne a oa àr blas, ha kevredigezhioù arall él Dour ha stêrioù Breizh.
Gaetan Duval, ezel ar gevredigezh a zo doc’h mikro Aodren Trehin.
Ma faota deoc’h kaouit titouroù diàr arguzennoù ar gevredigezh TCN56 a-enep ar metan e gavec’h dielloù àr o fajenn Facebook pe e abadennoù podkastet àr lec’hienn Radio Breizh. Mod arall e vo tu kejañ àr-eeun get tud ar gevredigezh an dibenn-sizhun é tonet er gouel « Le cri du coqueliquot » e Kamorzh, e lec’h ma vint é talc’hiñ ur stand.
